cadir_sel_2023 (1)_1

26.06.2023, tarafından yazılı , CÜMNE BÖLÜMÜ, 301 KERÄ BAKILMIŞ

Çadır kasabasını genä sellär bastı

Moldovaya gelän büük yaamurlar iliştilär Gagauziyaya da. O yaamurlardan en çok zarar geldi Çadır kasabasına, bildirer Çadır kasabasının primarı Anatoliy TOPAL.

Primar Anatoliy TOPALın açıklamasına görä, bu yaamur suları en azdan 8 kvartirayı buudu, onnarca kilometra sokakları sel aldı, maazalar hem aullar su doldu, kanalizațiya sisteması çakıllan hem bokluklan tıkandı.

Bundan kaarä, kasbanın “Sovhoz” maalesinä su verän bir artezian kuyusuna mındar sel suları sızdı, da o beterä su içilmäz hala geldi.

Şindi Çadır kasabasının primariyanın komisiyası, maaleleri hem sokakları gezip, esaba alêr zararların büüklüünü. Komisiyanın çalışması sonuçlarına görä, zarara uurayan insannara yardım yapılacek, açıkladı primar Anatoliy TOPAL.
cadir_sel_2023 (1)_11 cadir_sel_2023 (2)_1

BİR CUVAP YAZIN