Kirez ayın (iyün) 17-dä belli oldu “Tekwill Junior Ambassadors 2023” Milli konkursun sonuçları, angısında pay aldı bütün Moldovadan 1600 komandadan zeedä. Bu komandalar “Herbir şkolada Tekwill” proektını üzä çıkararak, yolladılar jüriyä çeşitli uurlarda kendi proektlarını. “Tekwill Junior Ambassadors 2023” Milli konkursun jürisi o proektlardan herbir uurda 12-sini yarı finala seçti.
Gagauziyadan 16 komandanın temsilcileri jürinin önünä 4 uurda proektlarını koydular: Biznes (9-12 klaslar), Grafika dizaynı (gimnaziyalar hem lițeylär), Web-dizaynı hem sayt yapılması (gimnaziyalar hem lițeylär) hem Yapma akıl. Bu komandalrın 4-dü ödüllü erlär aldılar, bildirer Gagauziya üüredicilik Upravleniyası:
Web-dizaynı (7-9 klaslar):
2-ci er – Oleg KİSEEV hem Oleg İKİZLİ (Komrat Stepan Kuroglu gimnaziyası, üüredicileri Vera BRATUNOVA).
Web-dizaynı (10-12 klaslar):
3-cü er – Anastasiya KOSTEVA hem Diana BOEVA (Komrat “Luçafarul” lițeyi, üüredicileri Elena PİRAGOVSKİ).
Grafika dizaynı (7-9 klaslar):
2-ci er – Egor KULEV hem David ORMANCI (Çadır Mihail Guboglu lițeyi, üüredicileri Tatyana KULEVA).
Grafika dizaynı (10-12 klaslar):
3-cü er – Yana KARAPUNARLI hem Eduard PETKOVİÇ (Çadır Mihail Guboglu lițeyi, üüredicileri Tatyana KULEVA).
