Türkiedän kara haber geldi – türk dünnesinin kulturasına izmetä kendisini baaşlayan, gagauzların büük dostu hem aaraştırmacısı Doç. Dr. Abdulkerim DİNÇ raametli oldu.
Abdulkerim DİNÇ 1955 yılda Türkiyenin Sivas kasabasında dünneya geldi. Ankara Atatürk Lițeyini hem Erzurum Atatürk Universitetını bașardı. bitirdi. Sora bu universitetta Türkçä üüredicilii yaptı.
Doç. Dr. Abdulkerim DİNÇ çok yıllar Gagauziyanın Komrat Devlet Universitetında işledi hem gagauzların literaturasını, folklorunu hem ölülüleri geçirmä adetlerini inceledi.
Hazırladı hem Türkiyedä gagauzları annadan birkaç kiyat çıkardı. Onnarın arasında “Gagauzlar”, “Aaçlık kurbannarı” hem “NASTRADİN: Gagauz Kültüründe Nasreddin Hoca” kiyatları da var. Bundan kare Erzurum Atatürk Universitetında sțenaya koydu benim “Aaçlık kurbannarı” pyesamı da.
İslää, cana yakın hem sıcak cannı bir insan olduu için, Gagauziyada çok dost edendi. Hodulluum var, ani benim da dostumdu.
İnanêrım, gagauzlar hem hepsicii seni sevennär hiç bir kere dä seni unutmaz, paalı Dostum! Topracıın ilin olsun!
Todur ZANET
