Orak ayın 7-dä saat 10.00 Moldova Konstituțiya Sudu başlêr incelemää Moldova yustițiya ministerliin Gagauziya (Gagauz Yeri) avtonomiyasınnan ilgili № 46а/2026 danışmasını. Bu danışmaya görä Moldova yustițiya ministerlii isteer Moldova Konstituțiya Sudu baksın Moldova Parlamentı tarafından 1994-cü yılın Kırım ayın (dekabri) 23-dä kabledilän № 344 “Gagauziya (Gagauz Yeri) özel hak statusu için” Zakonun, 2012-ci yılın Kırım ayın (dekabri) 27-dän № 320 Zakonun hem Seçim kodeksının kimi statyalarının Konstituțiyaya uygun olmasını.
TAA DERINDÄN 2026-cı yılın Hederlez ayın (may) 25-dä Vatikanın ofițial saytında tiparlandı Rim Papasının Leo XIV-cünün “Yapma akıl zamanında insanın korunması üzerinä” adlı “Magnifica humanitas” ențiklikası, neredä Canabisi çaardı dünnä pravitelstvolarını YA (yapma aklı) ilerlemesini yavaşatmaa. Kendi ențiklikasında Rim Papası Leo XIV-cü benzetti yapma aklı gelişmesini bibliyadakı Vavilon kulesinin düzmesinä. Papaya görä YA yalancılıın yayılmasına katkıda bulunêr hem konfliktların peydalanmasını kışkırdêr, hem dä dünneyi bir bitmäz cengä sürüklemäk riskına sokêr. Bu üzerä Rim Papası teklif eder YA sferasında moral, etika hem kultura standartların uygulanması için yapma akılı kuran hem genişledän tehnologiya firmalarınnan
TAA DERINDÄN Hederlez ayın 18-19 günnerindä Moldova Respublikasına vizitı zamanında Romıniya Prinţı Radu, Hederlez ayın 18-dä Moldova üüredicilik hem aaraştırma ministrusu Dan PERÇUNnan (Dan Perciun) buluşarak, açıkladı, ani Gagauziyanın Komrat Devlet Universitetın iki başarılı studentı için Romıniya Korol Evin stipendiyaları kurulêr. Açıklamaya görä bundan ötää her yılın Komrat Devlet Universitetın, az gelirli aylelerdän çıkan, en talantlı studentkasına hem studentına, onnarın akademiyalı başarılarına arka olmaa deyni, verilecek “Romıniya Korolevası Margareta stipendiyası” (Queen Margareta of Romania Scholarship) hem “Prinţ Radu stipendiyası”. Romıniya Prinţı Radu bildirdi, ani bu prestijlı stipendiyanın verilmä garantiyası önümezdeki beş yıl
TAA DERINDÄN Kişinev Apeläțiya Palatasında 2025-ci yılın Canavar ayın (oktäbri) 8-dän beeri uzanan Gagauziya Başkankasının Evgeniya GUȚULun advokatlarının Gagauziya Başkankasına karşı alınan 7 yıl kapan kararına apeläțiyalarının kantarlaması bu gün, 2026-cı yılın Hederlez ayın 28-dä, sonuna vardı. Konuyu inceleyeräk, Kişinev Apeläțiya Palatası Hederlez ayın 28-dä aldı karar, ani Gagauziya Başkankasının Evgeniya GUȚULun hem Svetlana POPANın hakında I-ci daavacılık kararını diiştirilmedik brakmaa. Gagauziya Başkankası Evgeniya GUȚUL kendisinä karşı atılan kabaatları tanımêêr hem kabletmeer. Evgeniya GUȚULun advokatı Sergey MORARU açıkladı, ani sayêr Kişinev Apeläțiya Palatasının kararını zakona uymayan bir karar da bildirdi, ani bu
TAA DERINDÄN Hederlez ayın (may) 28-dä Azerbaycan bakêr “Hederlez ayın 28 – Azerbaycan Respublika Günü” yortusunu. “Hederlez ayın 28 – Azerbaycan Respublika Günü” yortusunnan ilgili olarak, Hederlez ayın (may) 22-dä Azerbaycan Respublikasının Moldovada Büükelçisi Ülvi BAKHŞALİEV (Baxşəliyev), eşinnän barabar, bir reçepțiya verdilär. Reçepțiyanın ofițial payında kutlama sözlerini tuttular Büükelçi Ülvi BAKHŞALİEV (Baxşəliyev) hem Moldova vițe-premyer-ministru, infrastruktura hem regional kalkınma ministrusu Vladimir BOLÄ. Reçepțiyaya katıldılar Kişinevda bulunan diplomatiya misiyaların diplomatları, Moldova politikacıları, deputatları hem devlet adamnarı, Moldovada azerbaycannı diaspora kongresin temsilcileri, biznesmennar, Gagauziyadan musaafirlär hem cümne insannar. Hep “Hederlez ayın 28 – Azerbaycan
TAA DERINDÄN Şindilik kapanda bulunan Gagauziya Başkankası Evgeniya GUȚUL kendisinä karşı “politika represiyaları” için “GUȚUL DAAVASI. Politika represiyaların anatomiyası” adlı bir kiyat yazdı hem onu internet yolunnan cümneyä sürdü. Gagauziya Başkankasının Evgeniya GUȚULun “GUȚUL DAAVASI. Politika represiyaların anatomiyası” kiyadı üç dildä (rusça, anglica hem türkçä) hem kendisinin çeşitli erlerä hem insannara yazdıı 30 kiyatlarının temelinä görä yazılı. Kiyadın başında Evgeniya GUȚUL yazêr: “Bu kiyat açılmak ya da memuarlar diil. Bu sadecä onnarın beni kıramadıkları aslısı. Herliim siz bu kiyadı elinizdä tutarsanız – bän artık ensedim. Bu otuz kiyat, angılarını bän türlü insannara
TAA DERINDÄN Merkez kuvetlerin açıklamalarına görä, memlekettä duan uşakların azalması beterinä, Moldovada roddomnarı kapamaa başladılar. Sebep – bu roddomnarı tutmaa kurtarmarmış! İnsannara sürünän statistika bilgilerinä görä, sade 2025-ci yılda Moldovanın 13 rayon roddomnarında lufusaların sayısı azaldı: Drokiyada – 58 lufusa oldu, Valkaneştä – 63, Çimişlidä – 120, Rışkanıda – 159. Şindi insannara söleerlär, ani bu erlerdä roddomnarı tutmaa kutarmarmış da merkezä danışılmış onnarı kapamaa. Kimi sä artık danışmadık kapadılar. Kapanan roddomnarın arasında var Valkaneş rayon duudurma evi dä, angısını taa 2026-cı yılın başında kapadılar da şindi aar kalan karılar, duudurmak için, taa
TAA DERINDÄN Ukraynadan bir grupa halk deputaları, Gagauz halkını Ukraynanın erli halkı olarak tanımak için, Ukraynanın Üüsek Radasına (Parlamentına) 2026-cı yılın Hederlez ayın 8-dän №15223 zakon proektınnan danıştılar. Açan 2021-ci yılın Orak ayın (iyül) 1-dä Ukraynada kabledildi “Ukraynanın erli halkları için” №1616-IX Zakon, orada erli halklar olarak tanındılar krım tatarları, karaimnar hem krımçaklar. Bakmadaan ona, ani ozamannar Ukrayna Üüsek Radasının kimi halk deputatları teklif edärdilär gagauz halkını da erli halk olarak tanımaa, bu kabledilmedi. Şindi bu soruş Ukraynada enidän önä çıkarıldı. Bu konuylan ilgili Üüsek Radaya yollanan Zakon proektında sölener, ani “bu
TAA DERINDÄN 2026-cı yılın Hederlez ayın 9-da (9 May) Moldovada genä iki yortu birdän bakıldı: II-ci Dünnä Cengindä faşistlän națist Germaniyadan dünneyi kurtarmak cengindä Enseyiş Günün 81-ci yıldönümü hem da bu günä uydurulan Evropa Günü. Hederlez ayın 9-da, çin sabaalän, taa insannar sokaklarda pek görünmeyän zaman, Moldova Prezidentı Maya SANDU, Moldova Parlamentın spikerı İgor GROSU, Moldova Premyer-ministrusu Alexandru MUNTEANU, Moldova minisruları hem kuvet kuruşların başkannarı, II-ci dünnä cengindä ölän askelerin anması için, Kişinev “Sonsuzluk” (“Eternitate”) Memorial Kompleksında kurulan anmak pamätnää, askerlerin adları yazılı plitalara hem “Sonsuz ateş”in yanına çiçek koydular. Bununnan Moldovada
TAA DERINDÄN Moldova Prezidentın presa serviçin açıklamasına görä Hederlez ayın 11-dä Moldova Prezidentı Maya SANDU hem Moldova parlamentın spikerı İgor GROSU, Gagauziyada Halk Topluşuna serbest hem dooru seçimnerin yapılmasınnan ilgili, bir buluşma düzennemişlär. Bu konsultațiya buluşmasına buyur edilmiş çalışma grupası, ani Gagauziya Halk Topluşuna serbest hem dooru seçimnär yapmak için maasuz kurulmuş. Açıklanêr, ani bu çalışma grupasında pay alêrlar Gagauziya Halk Topluşun geçici Başı Nikolay ORMANCI önderciliindä Halk Topluşun deputatları, Moldova Parlamentın deputatları, Moldova Seçim Komisiyasının hem Prezidenturanın temsilcileri. Nicä dä Çiçek ayın 24-dä olan Gagauziya ATBnın bölgä primarlarınnan hem Gagauziya Halk
TAA DERINDÄN