Baba Marta ayın 18-19 günnerindä Kişinevda geçti “Evropanın Soțial Kartası” adlı Evropa Birliin üüsek uurda soțial dooruluklarında konferențiyası, angısını ortak hazırladılar Moldovanın işlemä hem Soțial koruma ministerlii hem Moldovada Evropa Soveti.
“Evropanın Soțial Kartası” adlı Evropa Birliin üüsek uurda soțial dooruluklarında konferențiyanın işindä pay aldı hem nasaat etti Moldova Prezidentı Maya SANDU, angısı urguladı, ani “Demokratiyanın diri kalması için soțial hakları en önemni maanaları taşıyêrlar”.
Kişinevda geçän bu konferențiyaya katıldılar Evropa Sovetinä girän devletlerdän, evropalı hem halklararası kuruluşlardan yaklaşık 50 delegațiya, angıların arasında vardı Türkiye Respublikasının Çalışma hem Soțial Güvenlik Bakanı Prof. Dr. Vedat IŞIKHANın onderciliindä delegațiya da.
Anaktar sözlär : Vedat IŞIKHAN
