fulcer_komrat_20.12 (8)

21.12.2024, tarafından yazılı , CÜMNE, POLİTİKA BÖLÜMÜ, 207 KERÄ BAKILMIŞ

“Fulger”ın üürenmäk keyzi Komrat Kultura evi hem onun içindä bulunan insannarmış

İnternetın Facebook sayfalarında peydalanan videoya görä, belli oldu, ani 2024-ci yılın Kırım ayın (dekabri) 20 sabaası Komrat kasabasının merkezindä Moldova “Fulger” speţnaz poliţiya Birliin “taktikalı üürenmekleri”n haliz keeziymiş – Komrat Kultura evini hem onun içindä bulunan insannarı basmaa hem onnarı aresta almaa (bak: https://www.facebook.com/61550746886693/videos/pcb.122206908620024896/609247011500228).

İki gündän sora, Moldova Respublikasının içişleri ministerliin polițiyasının Baş inspektoratın Facebook sayfasında da bu konuylan ilgili bir video peydalandı: https://www.facebook.com/watch/?v=892731519596685&locale=ru_RU.

Bilmeeriz, devletä ne kuşkuluk var Kultura evin içindä bulunan insannardan, ama, bizä geler, ani Moldova öndercileri kuşkuluk görerlär ondan, ani burada, Komrat Kultura evindä, 2025-ci yılın Küçük ayın 15-dä “Gagauziyanın hepsi uurlarda deputatların Kongresi” olacek hem orayı Gagauziyanın herbir köşeciindän insannar toplanacek.

O üzerä dä, esaba alarak “Fulger” speţnaz poliţiya Birliin kaskalı, maskalı, bronejeletli hem avtomatlı “taktikalı üürenmekleri”ni, peydalanêr soruşlar: Moldova öndercileri Komrat Kultura evin önündä hem içindä bu şouya izin vereräk, Gagauziya öndercilerini, milletlerini hem onnarın deputatlarını korkutmaa mı savaşêr? Osa bunun ardında nesa taa büük mü durêr, deyecez, Gagauziyanın yok edilmesi mi?
fulcer_komrat_20.12 (9) fulcer_komrat_20.12 (10) fulcer_komrat_20.12 (11)

BİR CUVAP YAZIN