“Ana Sözü” artık yazdı, ani 2018-ci yılın Ceviz ayın (sentäbri) 4-dä Komrat regional resim Galereyasında oldu prezentațiya üç dilli (gagauzça-rusça-angliyca) “Gagauz resimcisi Dimitriy SAVASTİN” incäzanaat albom kiyadına (bak: http://anasozu.com/gagauz-resimcisi-dimitriy-savastin-albom-kiyadina-prezentatiya/).
Albomu hazırladılar resimcinin oolu Sergey SAVASTİN, Todur ZANET (proektın redaktoru) hem Lüdmila MUDEL (angliycaya çevirici).
Bu incäzanaat albom kiyadı tiparlandı Gagauziya Başkanın İrina VLAHın hem Gagauziya İspolkomun çalışmasınnan hem Sankt-Peterburg gubernatorun Georgiy POLTAVÇENKOnun izininä görä.
Kiyadın dünneyä çıkmasında yardımcı oldular Gagauziya kultura hem turizma Upravleniyası, Sankt-Peterburg pravitelstvosunun Basım hem mas-mediyaylan ilişkileri Komitetı, “Skifiya” alış-veriş basım evi.
Şindi “Skifiya” alış-veriş basım evi “Gagauz resimcisi Dimitriy SAVASTİN” incäzanaat albomun PDFını kendi saytına koymuş, da bütünnä dünnä var nicä o albomnan tanışsın burada:
http://skifiabook.ru/store/kultura-iskusstvo-muzyka/item_573.html
