2024-cü yılın Harman ayın (avgust) 19-da Gagauziyanın Çadır kasabasının “Enseyiş” parkında kuruldu bir Anmak taşı, neredä Gagauz Respublikasını kurmakta zaamet edän 53 çadırlının adları hem duuma yılları yazılı.
Bölä bir Anmak taşın kurulması Gagauziyada seftä hem pek sevindirici oldu. Bu – geçän üzyılın 80-ci – 90-cı yıllarında kendi halkı için yanan hem kurban hazır olmaa hazır insannara bir borçtur.
Bu taş Çadır kasaba Sovetinin kararınnan hem primarın çalışmasınnan kuruldu. Onun için Anmak taşın açılmasında ilkin nasaat etti Çadır primarı Anatoliy TOPAL. Nedän sora Gagauz Respublikasını kurmakta zaamet edän veteannar da kendi sözlerini söledilär.
Çadırdakı Gagauz Respublikasını kurmakta zaamet edän çadırlılara Anmak taşın açılış bezini çekmää deyni hak verildi veterana Mihaiş Mironoviç PAVLÜKa.
Anmak taşın açılmak sırasında pay alan insannar bir minutluk susmaylan andılar artık aramızda olmayan veterannarı hem Anmak taşa çiçek koydular.
