Orak ayın (iyül) 10-da Moldovada hem Gagauziyada energiyeyä, iyecek mallarına hem yakıt paaların durmamayca kalkmasına karşı Komrat kasabasında baş meydanında geçti bir miting, neredä 25-30 kişi pay aldılar.
Mitingı yapan Gagauziya Radio hem Televideniye (GRT) Gözledici komitetın predsedateli Mihail VLAH, Komrat munițipiyi Sovetinin sovetnii Vadim ANASTASOV hem Gagauziya Halk Topluşun Beşalmadan Gagauziya Başkankasının cep deputatı Grigoriy DÜLGER mitingınta Moldova öndercilerinä hem Moldovada hem Gagauziyada energiyeyä, iyecek malların hem yakıt paalarının durmamayca büümesinä karşı seslerini kaldırdılar, bu paa fırtınasında kabaatlı bulup salt Moldovanın Pravitelstvosunu hem teklif ettilär bu uurda Gagauziya Başkankasına karşı kötü bir laf sölämemää, unudup, bezbelli, ani Başkanka da Moldova Pravitelstvonun azası da ölä mi, bölä mi, ama o da bu durmamayca paa büümesi fırtınasının içindä var.
Mitingın sonunda mitingçılar teklif ettilär her Pazar Komratta bu türlü mitinglar yapmaa hem umut ettilär, ani ötää dooru onnara binnärlän insan katılacek.
