Moldovada Çiçek ayın 5-dä bakılan “Kurtarıcı Günü” yortusunnan ilgili olarak, Moldova Üstolan Durumnarı Baş İnspekțiyası (IGSU) Çiçek ayın 3-dä düzennedi “IGSU ödül Galası”nı, neredä kutladı hem ödülledi kurtarıcıları hem yangıncıları, ani Moldovada hem da halklarası uurunda üstolan durumnarın yok edilmesindä en üüsek ustalık, üst olan sonuç hem başarı gösterdilär.
IGSU ödülleri verildi türlü nominațiyalarda: en islää kurtarıcı, yangın sündürmektä önderci, maasuz tehnikaların şöförü, dispetçer, paramedik, gazdan-tütündän korumada usta, profilaktika ofițerı hem menecer.
O Galada “2025 yılın yangıncısı” ödülünü kabletti Gagauziyanın Valkaneş kurtarıcı hem yangıncı bölüün üst yangıncısı Dimitriy Olegoviç GERMEK.
Moldova Üstolan Durumnarı Baş İnspekțiyası (IGSU) “IGSU ödül Galası” sırasında pay aldılar Moldova Premyer-ministrusu Aleksandr MUNTEANU, Moldova içişleri ministrusu Daniella MİSAİL-NİCHİTİN, IGSU direktoru Baciu AUREL, Türkiye Kişinev Büükelçisi Uygar Mustafa SERTEL hem başkaları.
Patretlär: IGSU facebook sayfasından
