Memleket öndercileri açıkladılar, ani Canavar ayın (oktäbri) 25-26 gecesindä Moldova genä kış vakıdına geçer.
Bakmadaan ona, ani 2020-ci yılın Baba Marta ayın 26-da Evropa Birlii Parlamentı deputatların 410 oyunnan (192 – karşı, 51 – ikiliktä) alındıı kararınnan Evropa Birliinä girän devletlerdä yaz hem kış vakıdına geçmektän vazgeçmää, onnar kendilerinin kararına tüküreräk, Evropayı genä kış vakıdına geçererlär.
Bu iş benzeer ona, ani yorganı uzaltmaa deyni, onun bir ucundan bir parça kesip, o kesilän parçayı yorganın obür ucuna eklemää.
Dünnä anılmış ekonomistleri hem enrgetikları artık çoktan çannarı düüyerlär, ani bu kış-yaz hem yaz-kış saatlarına geşmäk halizdän bir komediya işi oldu hem onun faydası okadar az, ani bu geçmenin hiç bir maanası yok. doktarlar da bildirerlär, ani bu saat diiştirmesi insan saalıına büük zarar verer. Ama işidän yok.
Gene dä, Canavar ayın (oktäbri) 25-26 gecesindä saat 4:00-tä, saatları bir saat geeri geçirip, Moldova kış vakıdına geçecek da saat 03:00 olacek.
