Canavar ayın (oktäbri) 31-dä Moldova parlamentında pravitelstvoyu kablettirmää deyni nasaat edärkänä, premyer-ministrulaa kandidat Alexandru MUNTEANU urguladı, ani eni pravitelstvonun baş daavalardan birisi olacek Gagauziyaylan ilişkilerin enidän kurulması.
Ama bu ilişkilerin enidän kurulmasını Canabisi Gagauziya Başkanını pravitelstvoya almamaktan başlêêr.
Premyer-ministrulaa kandidat Alexandru MUNTEANU kendi pravitelstvosuna Gagauziya Başkanını ne üzerä almadı soruşuna “zakon organın kararlarının hem açıklamaların emiri altındayım” cuvabını verdi.
Pravitelstvo için konsultațiyalar gidärkenä, parlamanetın juridika komisiyasının toplantısında deputatlar Aleksandr STOYANOGLU hem Vasiliy TARLEV istedilär, ani Konstitıțiyaya görä parvitelstvoya lääzım Gagauziya Başkanı da alınsın da bunu yapsınnar lääzım. Buna premyer-ministrulaa kandidat koyulan Alexandru MUNTEANU cuvap verdi, ani onda “yok kandidat bu işä”. Neyä Aleksandr STOYANOGLU dedi, ani “önemni diil kim Başkan, önemni – zakona uymaa”. Buna Alexandru MUNTEANU cuvap verdi: “zakona herzaman uyêrız”.
Eski premyer-ministru hem şindiki parlament deputatı Vasiliy TARLEV, Aleksandr STOYANOGLUnun sözlerinä arka olarak, urguladı, ani Konstituțiyaya uymaa lääzım.
Gagauziya Başkanın durumu bu diil eni bir iş, zerä Gagauziya Başkankası Evgeniya GUȚUL ayırıldıı gündän beeri, Moldova Pravitelstvosuna Gagauziya Başkanı alınmêêr hem orada Gagauziya Başkanına er yok.
PATRET: Moldova 1
