2020-ci yılın 5-6 Mart günnerindä İstanbulun “Elite World Asia” otelindä geçti “Türkiyedä hem dünnäädä kadın” Forumu, angısını hazırlada İstanbul Maltepe primariyası hem “Maltepe Kadın Forumu” kuruluşu.
“Türkiyedä hem dünnäädä kadın” Forumuna katıldılar 15 devlettän gelän karılar: politikacılar, cümne kuruluşların öndercileri, gazetacılar, yazıcıykalar, artistkalar.
Gagauziyadan bu Forumda pay aldı Gagauziya Halk Topluşu deputatı Elena KARAMİT, angısı hazırladı hem okudu dokladı “Politikada gagauz karıları: politika karyerını düzmektä zorluklar hem kolaylıklar.”
