Baba Marta ayın (mart) 19-da Gagauziyanın Üstolan durumnarın Komisiyasının (UDK) azaları bir brifing yaptılar, neredä Gagauziyada hem Moldovada koronaviruslan hem keskin respirator viruslu infekțiyalarınnan ilgili durumu annattılar.
Brifingta pay aldılar Gagauziyanın UDK başı İvan KOLİOGLU, Gagauziyanın cümne saalıı Merkezin başı İvan HASTA hem Gagauziyanın saalıı koruma Upravleniyasının başı Svetlana DULEVA.
UDK azaları annattılar Moldovada hem Gagauziyada koronaviruslan hem keskin respirator viruslu infekțiyalarınnan ilgili durumu.
Gagauziyanın cümne saalıı Merkezin başı İvan HASTA açıkladı, ani “Gagauziyada şindilik koronavirusa ulaşan hasta yok, ama durum arlaştı”.
Gagauziyanın saalıı koruma Upravleniyasının başı Svetlana DULEVA bildirdi, ani “Şindilik Gagauziya risk çemberin dışında bulunêr. Ama Kişinevdan hem Soroka, Floreşti hem da Yaloveni rayonnarından kaarä, koronavirusa ulaşannar artık var komşu Basarab, Kaul hem Kantemir rayonnarında da”.
Svetlana DULEVA danıştı yaşlı insannara, angıları taa sık bu hastalıklara ulaşêrlar, çıkmasınnar evlerindän hem klisä gibi cümnenin toplandıı erlerä gitmesinnär. Canabisi urguladı, ani hastalandıynana insannar bolnițalara kendileri gitmesinnär, ama 112 nomerdä skorıyı evä çarsınnar.
Gagauziyanın UDK başı İvan KOLİOGLU söledi, ani Gagauziyada saalık hem da koronaviruslan keskin respirator viruslu infekțiyalarınnan ilgili durumu durmamayca göz altında bulunêr.
Baba Marta ayın 18-nä görä Gagauziyada var 440 kişi, ani bu günnerdä yabancılıktan evä döndülär hem 14 günnük göz altı karantinina alındılar.
