Baba Marta ayın 19-da sabaalän yapılan açıklamakta Moldovanın saalıı, işi hem cümneyi koruma ministrusu Viorika DUMBRAVÄNU bildirdi, ani Moldovada koronavirusa ulaşan 36 hasta var.
Viorika DUMBRAVÄNU açıkladı, ani bu 36 kişinin arasından 21 kişi da, yabancılıkta, Büük Britaniya, Çehiya, Franțiya, İtaliya hem Şveyțariya devletlerindä, ulaşıp, COVID-19 hastalıını Moldovaya getirennär.
Canabisi açıkladı hastaların yaşa görä sayısını:
0-9 yaş arası: 1 olay;
10-19 yaş arası: 2 olay;
20-29 yaş arası: 4 olay;
30-39 yaş arası: 7 olay;
40-49 yaş arası: 5 olay;
50-59 yaş arası: 8 olay;
60-69 yaş arası: 9 olay.
Viorika DUMBRAVÄNU urguladı, ani 3 hastanın durumu pek aar. “Ama, – dedi ministru, – Respublika bolnițasında bir hasta ilaçlandı. Herliim onnun ikinci analizi tekrar negativ olursa, onu evä kolvereceklär”
