2026-cı yılın Küçük ayın (fevral) 12-dä raametli oldu Gagauziyanın bilim insannarından birisi, filollogiya bilgilerindä doktor, doțent, Komrat Devlet Universitetın üürediciykası, Gagauziyanın üürediciliktä şannı zaametçiykası İvanna Dimitrievna BANKOVA.
İvanna Dimitrievna BANKOVA (04.02.1954 – 12.02.2026) duudu Gagauziyanın Dizginca küüyündä. Ana küyündä şkolayı başarıp, üürendi Kaul kasabasının pedagogika uçilişçesında, sora da Kişinev pedagogika institutunda.
1979-1986 yıllarında Dizgincä küüyün şkolasında rus dilindä hem literaturasında üürediciyka işledi.
1986-1998 yıllarında rus dilindän hem literaturasından kaarä, gagauz dilindä hem literaturasında da uroklar verdi.
1998-ci yıldan beeri, son soluuna kadar, Komrat Devlet Universitetında gagauz filologiyası kafedrasında işledi. 2002-ci yılda Moskvadakı dil bilimi İnstitutunda filologiya uurunda doktorluunu başardı.
Bilim insanı olarak, gagauz dilindä, orfografiyasında, kurrikulumnarında, tablițalarında hem sözlüündä çok zaametleri oldu.
Kendi çalışmaları için devlet uurunda diplomnar, gramotalar hem başka ödüllär kabletti. Onnarın arasında “Mihail Çakir” ordenı da var.
İvanna Dimitrievnanın aylesinä hem yakınnarına acızgannıımızı bildireriz. Göktä Boba onu saa tarafına kabletsin.
Topracıı ilin olsun…
“Ana Sözü” redakțiyası
