Bitki vakıt Gagauziya isteer, ani Moldova parlamentına Gagauziyadan 5 deputat kvotası ayırılsın. Bu demoktariyanın dooruluu.
Son vakıtlarda Moldova parlamentında çeşitli partiyalardan ayırılan gagauz deputatları buna karşı kalktılar. Maamilä surat: Gagauziyadan ayırılan 5 deputatın Moldova parlamentında kuvedi olmayaceymış.
Peydalanêr soruş: Moldova parlamentında sade 5 gagauz deputatı mı olcek? Kim dedi, ani Moldova politika partiyalarından başka gagauzlar da parlamenta ayırılmayaceklar?
Herliim Gagauziyaya Moldova parlamentına 5 kişilik kvota verdiktän sora, Moldova politika partiyaların seçim listelerindä gagauz insannarı olmarsalar, ozaman bu partiyalar hepsi kof olan trup. Zerä, cuvapçılıktan korunmak için, gagauzları nestä gibi kullanêrlar.
O üzerä, partiyalardan Moldova parlamentına nestä ayırılannar biraz sussunar lääzım.
Allaa versin Moldova parlamentına Gagauziyadan 5 kişiya kvota verilsin, partiyalar öndercileri da, alla gibi, taa beş-on gagauza kendi seçim listrelerindä er versinnär. Da ozaman görecez: kim Gagauzlar için, kim da nestä için!
Todur ZANET, Gagauz Milli Gimnasının avtoru.
