Gagauzların anılmış adamı, resimci, Çadırdakı “At-Prolin” at fermasının direktoru, Çadır kasabası Sovetin predsedateli Konstantin KELEŞ çadırdakı resim şkolasında kendi resim albomuna prezentaţiya yaptı. Albomda karandaşlan, grafika biçimindä, üzdän zeedä resim var.
Konstantin KELEŞ bütün ömürünü baaşladı beygirlerä. Canabisinin çalışmasınnan Moldovada korundu “Orlov ürükleri” beygirlerin tamazlıı. Onuştam, eni albomun (nicä da ilerki albomnarda da) may hepsi resimnerindä beygirlär resimni.
Bakmadaan ona, ani Konstantin KELEŞ başardı sade resim şkolasını, onun resimnerindä büük ustalık görüner. Bunu urguladılar hepsi insannar, kim pay aldı albomun prezentaţiyasında: Çadır resim şkolasının direktoru Födor DULOGLU da, Moldova parlamentın deputatı İrina VLAH ta, başkaları da.
Resimci kendisi sa açıkladı, ani resimcilik ona deyni sade bir hobbi, angısına deyni o ihlam bulêr aylesindä hem beygirlerdä.
Albomun tirajı – 500 taanä. Sponsoru da – Sergey VLAH.
