Kasım ayın 23-dä, Moldova Respublikasının taekvando Federațiyası tarafından hazırlanan hem Kişinevda geçirilän, Moldova Respublikasının taekvandoda Kuboona yarışmalarında Gagauziyanın Çadır 1-ci UGSŞ-nın taekvando filialı olan Kiriyet küüyündän “OGUZ-KWON” taekvando klubu da pay aldı.
Gagauziyanın Kiriyet küüyündän “OGUZ-KWON” taekvando klubu bu Kubok yarışmalarına 11 kişilik bir karma (kızlar hem çocuklar) komandası getirdi da burada 14 ödüllü er kazandı: 5 – I-ci (altın medali), 5 – II-ci (gümüş medali) hem 4 – III-cü (bronza medali).
Eridir urgulamaa, ani trener Mihail Nikolaeviç JELEZOGLUnun önderciliindä “OGUZ-KWON” taekvando klubun sportsmennarı çok yarışmalarda hem çempionatlarda, türlü medalilär kazanıp, kendilerini en islää taraftan göstererlär hem Gagauziya Bayraanı üüsek tutêrlar (bak: https://anasozu.com/oguz-kwon-taekvando-klubu-moldova-cempionatinda-20-medali-kazandi/).
