Büük ayın (yanvar) 15-dä, büük romın poetının Mihay EMİNESKUnun duuma günündä, Kişinevda hem Komratta Milli kultura gününü baktılar.
O günü Komrat devlet universitetın yakınnarında bulunan Mihay EMİNESKUnun byustuna çiçek koydular Komrat Mihay EMİNESKU adına romın lițein üürencileri hem üüredicileri. Ayırıca burada büük poetın yaratmakları da okundu.
Kişinevda “Klasiklär Aleyası”nda hem Kişinev “Mihai Eminescu” halklararası akademik Merkezindä olan Milli kultura günününnän ilgili sıralara katıldı hem kendisinin çevirdii romın poetının “”Luceafărul” (“Sabaa yıldızı”) poemasından gagauzça parçaları okudu poet Todur ZANET.
