Artık birkaç yıl Evropanın parasınnan Moldovada yollar enidän yapılêrlar. Bu yolların arasında var Çimişliya-Çumay-Curculeşti yolu da.
Çimişliya-Çumay-Curculeşti yol parça parça düzüler. Onun taa çoyu, ani bulunêr Gagauziyanın dışında, yapılı artık. Şindi sıra geldi Gagauziyaya da. O yolun arasında var Kongaz-Beşalma-Başküüyü yolun enilenmesi.
Yaklaşêr parlament seçimneri da, bezbelli bu üzerä, yolların enilenmesi uurunda işlär pek hızlandı.
Nicä da olsa, taman Gagauz Respublikasının Gününä (Harman ayın (avgust) 19-zu) yolun açılması beklener.
