Kirez ayın 6-da, taman büük rus poêtın Aleksandr Sergeeviç PUŞKİNın duuma günündä, Moskvada oldu II-ci Halklararası okuycuların «Живая классика» (“Ömürlü klasika”) konkursun finalı.
Konkursta ensedilär Olga TRANDOFİLOVA (Moldova, Gagauziya, Avdarma küüyü) Ç. AYTMATOVun “Plaha” annatmasının, Viktor ŞİMAN (Belorusiya) V. BOGOMOLOVun “İvan” annatmasınnan hem Marat oolu IRISKELDİ (Kirgistan) Ç. AYTMATOVun “Soldatönok” annatmasının. Konkursta enseyennerä verildi diplom hem birär son model “X5 Retail Group” smartfonu.
Avdarmalıyka Olga TRANDOFİLOVA, Küçük ayda regional elemeyi geçtiktän sora, Hederlez ayında milli turu ensedi, da, Moldovadan taa iki kişiylän bilä Sergey KOFTUNnan (Kişinev, 2-ci er) hem Yanina EGOROVAylan (Kişinev, 3-cü er) Moskvaya yollandı.
Moskvada konkursun yarıfinalına 22 devlettän (konkursta pay aldılar 26 devlettän uşaklar) 77 uşak toplandı. Sora super final oldu. Moldovadan super finala Olga TRANDOFİLOVA çıktı hem o finalı kazandı.
Olga TRANDOFİLOVA Avdarmanın “D.Çelengir” adına liţeyin 6-cı klasta üürencisi (Konkursun kurallarına görä bu konkursta pay aldılar sadä 6-cı klaslardan üürencilär).
