Baba Marta ayın 1-2 günnerindä Kişinevun ilinatletika Manejında serbest güreştä Moldova çempionatı oldu. Gagauziya güreşçilerin komandası bu çempionatta birinci oldu: 8 altın medalidän 5-ni onnar aldılar. Bundan kaarä 2 gümüş hem 2 da bronz medali hep gagauz güreşçileri kazandılar.
Erlerä hem kategoriyalara görä güreşçilerimizin laablarını vereriz:
1-ci er
Klim GREK, 57 kg kategoriyası;
Vladimir GOTİŞAN, 66 kg kategoriyası;
Evgeniy NEDÄLKO, 76 kg kategoriyası;
Pötr YANULOV, 86 kg kategoriyası;
Andrey ROMANOV, 125 kg kategoriyası;
2-ci er
Aleksandr PETKOV, 57 kg kategoriyası;
Aleksandr ROMANOV, 125 kg kategoriyası;
3-cü er
Vasiliy ESİR, 61 kg kategoriyası;
Vitaliy KOLİOGLU, 66 kg kategoriyası.
Bu kazanmak verdi kolayını gagauz güreçileri Evropa Çempionatına katılsınnar. Bu çempionat Çiçek ayında olacek.
