Cumêrtesi Küçük ayın (fevral) 1-dä Moldovada oldu “Eurovision” elemesinä katılannarın seçmesi.
33 kişidän kuralan elemä jurisi Moldova finalı için 20 kişinin kompozițiyalarını ayırdı.
Finala çıkan türkücülerin arasında var Gagauziyanın Kiriyet küüyündän türkücü Dimitriy JELEZOGLU, angısı çaldı türküyü “Do it slow”.
Moldova “Eurovision” elemesinin finalı olacek Küçük ayın (fevral) 29-da, neredä juri seçecek onu, kim temsil edecek Moldovayı “Eurovision” halklararası konkursunda.
“Eurovision” halklararası konkursun yarışmalarının yarı finalları geçecek Niderlandı devletinin Rotterdam kasabasında Hederlez ayın (may) 12 hem 14 günnerindä, finalı da olacek Hederlez ayın (may)16-da.
