2025-ci yılın Küçük ayın (fevral) 27-dä Moldova prezidentı Maya SANDU, Komradın yanından geçip, Avdarma küüyünä uuradı, neredä genä buluştu may hepsi o cümne insannarın kimilerinnän, angılarınnan prezidenturada 2024-cü yılın Kırım ayın 20-dä buluştuydu (https://anasozu.com/gagauziyanin-ofitial-kutlamasi-olmadi-ama-cumnenin-kimi-kisilerinnan-bulustular/).
Nicä bildiriler, bu buluşmanın da, nicä dä ozamankısıın, temel konusuydu gagauz dilin, kulturasının hem adetlerin korunması hem da avtonomiyada romın dilin üürenmesi.
Buluşmada bu konulara aarlık vereräk, urgulandı, ani romın dilin üürenilmesi açacek yolu büüklär dä, studentlar da üürencilää hem zanaatçılaa ulaşmada hem integrațiya yapmasında kolaylık bulsunnar.
Avdarmaya geldii sırasında prezidentı Maya SANDU pay aldı “GEL” Diskusiya klubun açılmasında. Nicä bildiriler, bu klubun meydanında gagauz cümnesinin ilerlemä kolaylıkları hem problemaları için açık, dooru hem yapılı diologlar olacek.
Ayırıca prezidentı Maya SANDU açıkladı kendisinin gagauz cümnesinin kulturalı özelliinin korunması inițiativalardan hem dä memlekettä cümneli birliin kaavileşmesindän yan olmasını da.
