Çiçek ayın 1-dä Türkiye Kişinev Büükelçisi Uygar Mustafa SERTEL Moldova premyer-ministru yardımcısınnan, dışişleri hem Evropaya integraţiya ministerliin ministrusunnan Mihai POPȘOYlan buluştu.
Nicä açıklêêr Moldovanın dışişleri hem Evropaya integraţiya ministerliin basın serviçi, bu ikili görüşmedä Moldova-Türkiye ilişkilerinin derinneştirilmesi hem işbirlii mehanizma konuları uurunda dialog er aldı.
Bundan kaarä premyer-ministru yardımcısı Mihai POPȘOY hem Büükelçisi Uygar Mustafa SERTEL, iki devlet arasındaki ilişkilerin kaavileştirilmesindä pek önemni olan kultura hem üüredicilik uurunda soruşları da inceledi. Bu işlän ilgili olarak, Türkiye Kişinev Büükelçisi urguladı, ani Türkiye Respublikası bu sektorlarda yardıma büük önem verer.
