Canavar ayn (Oktäbri) 15-dä Kişinevda latin-amerika tanţlarında “WDSF World Championship Latin Junior II – Chisinau” II-yunior kategoriyasında halklararası açık çempionatında Nina DUDOGLU hem Väçeslav NAGAYLIK sport tanţları çifti bronza medaliyi aldılar.
“WDSF World Championship Latin Junior II – Chisinau” çempionatında 39 devlettän 77 sport tanţları çifti pay aldılar.
Komratlıyka Nina DUDOGLU hem onun tanţlarda çifti Väçeslav NAGAYLIK Moldovanın anılmış “Kodreanka” sport tanţları klubunda üürenerlär. Onnarın trenerları bu klubun saabileri Svetlana, Alöna hem Pötr GUZUN.
Not. Nina DUDOGLU Komradın eski primarının hem büün Moldova Parlamentı deputatın Nikolay DUDOGLU hem onun eşinin Tatyananın kızı. Nina yaşından beeri balet-sport tanţlarını oynêêr. Altı yaşından da “Kodreanka” sport tanţları klubunda bulunêr.
