Harman ayın 20-dä Gagauziyanın Kongaz küüyünün “Nikolay Çebanov” hem “Varvara Topal” gimnaziyalarından 32 üürenci, üüredicilerinnän barabar, Moldovanın Eni Anenı rayonun Şerpenı küüyün yakınnarında bulunan “Şerpen plațdarması” memorial kompleksına ekskursiya yaptılar.
Bu ekskursiya Gagauziya üüredicilik Upravleniyası tarafından kurulan “II-ci dünnä cengindä Yası-Kişinev asker operațiyasının 81-ci yıldönümü” bakılması sıraları çerçevesindä yapıldı.
Kongazlılar için yapılan “Şerpen plațdarması” memorial kompleksında ekskursiyada bu erin II-ci dünnä cengindä önemni olmasını hem burada 1944-cü yılın Harman ayında düüşlär için annattı “Enseyiş” Milli Koordinațiya Komitetın başı Aleksey PETROVİÇ.
Gagauziya üüredicilik Upravleniyası açıkladı, ani bu türlü ekskursiyalar – bu istoriya hem patriotizma uurunda diri uroklar, ani vererlär kolayını eni evlat boyları üürensinnär, ne paaya enseiş edenildi.
