Gagauziyanın Komrat istoriya hem tarafı aataştırma regional muzeyindä açıldı eni zal – Hristiyannık büük başı, neredä sergili zulum hem dinsiz Sovet rejimından saklanan hem korunan klisä eksponatları.
Bu Hristiyannık büük başında insan önünä çıkarıldı eski ikonalar (kimilerinä 150 yıldan zeedä), klisä tertipleri hem kruçalarılan klisä bayrakları hem dä eski dua klisä kiyatları. Onnarın arasında bulunêrlar Aydimu ikonaları, ikiüz yıllık Bibliya hem Dua kiyadı
Eridir urgulamaa, ani hepsi bu eksponatları topladılar Gagauziyada üç muzey temellerini atan (Komrat, Beşalma, Feropontyevka) karı-koca Anatoliy Alekseeviç MARİNOV hem Anna Födorovna MARİNOVA.
Söz gelişi, ofițial orak, bu muzey hem onun Beşalma küüyündeki filialı 1969-cu yılın Küçük ayın (fevral) 14-dä Moldova Sovet Soțialist Respublikasının kultura ministerliin tarafından çıkarılan №82 sırasındakı Emirinnän temelleştilär.
