1995-ci yılda Bosniya-Gerțegın Srebrența küüyündä olan genoțidınnan (soykırımınnan) ilgili olarak, Birleşmiş Milletlär Kuruluşu aldı karar “1995-ci yılda Srebrențada olan genoțidın unudulmaması için” her yılın Halklararası düşünmä hem anma günü kurmaa.
Serbiya Prezidentı Aleksandr VUÇİÇ, buna karşı gidip, açıkladı, ani Batı “bu rezolüțiyayı ileri sürer, zerä isteer göstermää kaçınılmaz politika cezasını o devletlerä, angıları halklararası alanında baamsız pozițiyalarını göstererlär”.
Untmayın, ani 29 yıl geeri, açan Amerika hem NATO karar aldı, bombalayıp, Yugoslaviyayı darmadaan etmää, o bombaların altında kasabalarlan küülär yıkıldı hem binnärcä insan canını kaybetti.
Örnek olarak, sade Srebrenitsa kasabasında hem onun dolayında 8 bin 372 boşnak kıyıldı. İmperializma istoriyasında da bu olay Srebrenitsa genoțidı (soykırımı) olarak kaldı.
Taa kaç ölä “Srebrenița” oldu hem olêr Liviyada, Siriyada, Palestinada, başka erlerdä. Bunnar durmamayca tekrarlanmasın deyni, diil lääzım unutmaa bu belaları! Onuştan da Birleşmiş Milletlär Kuruluşu aldı bu kararı – “1995-ci yılda Srebrențada olan genoțidın unudulmaması için” her yılın Halklararası düşünmä hem anma günü kurmaa.
