2025-ci yılın Orak ayın 29-31 günnerindä Şveyțariyanın başkasabasında Jenevada geçti “6-cı Dünnä Parlament Başkannarı Konferențiyası”, angısında pay aldı Moldova Parlamentın spikerı İgor GROSU da.
“6-cı Dünnä Parlament Başkannarı Konferențiyası” çerçevesindä Türkiye TBMM (Türkiye Büük Millet Meclisi) Başkanı Numan KURTULMUŞ hem Moldova Parlamentın Başı İgor GROSU buluştular.
Buluşmada iki devletin parlamentları arasındakı iş birlii, karşılıklı vizitlar hem dostluk grupaların buluşmalarını aarttırmaa konulara bakıldı.
TBMM Başkanı Numan KURTULMUŞ: “Moldovanın toprak bütünnüünä yardımımız hem Gagauzların, Türkiye hem Moldova arasında dostluk köprüsü olduunu söledik”.
Moldova Parlamentın basın açıklamasına görä, parlamentın spikerı İgor GROSU bu buluşmada annatmış Türkiye Büük Millet Meclisi Başkanına Numan KURTULMUŞa Moldovanın EBya girmesi proțesı hem o uurda progres için. Bundan kaarä güzün Moldova Parlamentına olacek seçimnerin önemni olduunu da sölemiş.
Moldova Parlamentın bu konuda basın açıklamasında bir laf ta sölänmeer o iş için, ani buluşmada İgor GROSU gagauzları andı mı, osa anmadı mı.
