Türk İşbirlii hem Koordinaţiya Agenstvosu Bakannıı (TİKA), Romıniyanın Galaț kasabasında yaşanan sel kıyametindän aylelär için iyecek mallarından hem gigiena materiallarından oluşan 800 yardım kutusunu zor durumda kalan insannara ulaştırdı.
Romıniyanın dousunda Ceviz ayın (sentäbri) 15-dä olan hem 7 kişinin canını alan, 20 000-dän zeedä insana dokunduu hem yaklaşık 7 000 evin zarar gördüü sel kıyametindän yaralarını sarmak sebepinnän, tez olarak lääzımnı duyulan iyecek mallarından hem gigiena materiallarından oluşan yardım kutuları TİKA tarafından hazırlanarak, zor durumda kalan insannara ulaştırıldı.
Galaț bölgesinin sovetinin istediinä görä hazırlanan yardımnar, 400 aylenin zorunu karşılamak için, krizis olan bölgesinä yollandırıldı.
Paketlerin daatmasında, Türkiyenin Konstanța Başkonsulu Ozan ÇAKİR, TİKA Romıniya Koordinatoru Salih YÜRÇ hem Slobozia Conachi komunasının primarı Emil DRAGOMİR yer aldılar.
Kaynak: tika.gov.tr
