Canavar ayın (oktäbri) 8-10 günneri arasında Türkmenistanın 2015 yılı “Türk dünnäsı kultura başkasabası” Marı (Merv) kasabasında TÜRKSOY azaları olan devlet teatrular direktorların 4-cü toplantısı geçti.
Toplantıda pay aldılar: TÜRKSOY azaları olan devlet teatruların önetici koordinatoru hem TÜRKSOY Azerbaycan Temsilcisi Elçin GAFARLI, Azerbaycan devlet akademik drama teatrusunun direktoru İsrafil İSRAFİLOV, Kazakistanın Karaganda oblastin “S.Seyfullin” kazak drama teatrusununun incäzanaat önetmeni Dunay YESPAYEV hem Mangistau oblastin “N.Janturin” muzıka hem drama teatrusunun direktoru Nurniyaz MUKHANOV, Ankara devlet teatrusunun direktoru Cebrail ESEN, Ankara devlet teatrusunun direktor yardımcısı Abdullah ERKAN, Rusya Federaţiyasının “M.Gafuri” Başkurdistan devlet akademik drama teatrusununun incäzanaat önetmeni Oleg HANOV, “G.Kamal” Tatarstan devlet akademik drama teatrusunun direktoru İlfir YAKUPOV, “P.Kuçiyak” Altay devlet drama teatrusununun incäzanaat önetmeni Emma İRİŞEVA, “Çitigen” Hakas dram hem etnika musıka teatrusunun direktoru Vitaliy KANZIÇAKOV, Tuva respublika “V.Kok-oola” milli nuzıka drama teatrusunun direktoru Stanislav İRİL, “D.Tanasoglu” gagagauz teatrusunun direktoru Mihail KONSTANTİNOV, Türkmenistan “Alp Arslan” milli drama teatrusunun baş direktoru Handurdı BERDİYEV, Türkmenistan “Büük Saparmurad Türkmenbaşı” baş drama teatrusunun baş direktoru Kakajan AŞIROV, Türkmenistan “Mahtumgulu” milli muzıka hem drama teatrusunun baş direktoru Amanmurad AYDOĞDUYEV, Türkmenistan “A.Puşkin” devlet rus drama teatrusunun baş direktoru Aşırmuhammed RAHMANOV, Türkmenistan devlet kukla teatrusunun baş direktoru Nurberdi HOCAYEV, Türkmenistan Balkan oblastin “Büük Saparmurad Türkmenbaşı” devlet drama teatrusunun baş direktoru Ovez TURŞEKOV, Türkmenistan Lebab oblastin “Seyitnazar Seydi” devlet muzıka hem drama teatrusunun baş direktoru Mekan SİLAPOV, Türkmenistan Merv oblastin “Kemine” devlet drama teatrusunun baş direktoru Nurgeldi SOYUNOV, Türkmenistan “Molla Nepes” üürenci teatrusunun baş direktoru Merdan TUVELEYEV hem Türkmenistan kultura ministerliin teatru bölümünün başı Hazret OVEZOV.
Toplantının ofiţial açılışı Merv oblastin “Kemine” devlet drama teatrusunda oldu. Burada Türkmenistanın artistleri büük bir konţert hem teatrulu oyunnarı gösterdilär.
Ertesi günü toplantılarında teatrular direktorları annattılar kendi çalışmaları için hem şükür ettilär TÜRKSOYa o yardımnar için, ani teatrulara yapêr. Onnar teklif ettilär, ani teatrular aralarında taa derin hem verimni işbirlikleri kurulsun, taa ileri da tükçe lafedän teatru festivalleri olsun.
TÜRKSOY azaları olan devlet teatrular direktorların 4-cü toplantısının kapanış günü Canavar ayın (oktäbri) 10-da Merv oblastin “Kemine” devlet drama teatrusunda oldu.
