Uzbekistandan geldi haber, ani Uzbekstanın prezidentı İslam KARİMOV, insulttan sora, 78 yaşında raametli oldu. Büün, Ceviz ayın 3-dä, İslam KARİMOV topraa verilecek.
İslam KARİMOV 1989-cu yıldan beeri Uzbekistanın başındaydı. İlktän Uzbekistan Komunist partiyasının birinci sekretari olarak, sora da, 1990-cı yıldan beeri Prezident olarak.
İslam KARİMOVun raametli olmasınnan Moldova öndercileri yolladılar Canabisinin aylesinä hem Uzbekistan halkına bir acızgannık mesajı.
Dünnää türklerin Asambleyası, angısında var gagauzlar da, İslam KARİMOVun raametli olmasınnan ilgili, bir acızgannık mesajı yolladı Uzbekistan hem Semerkant kasabasının öndercilerinin, büük uzbek halkının hem türk halkların adına: Соболезнования Всемирной Ассамблие Тюркских Народов в связи смерти Ислама Каримова
