Kırım ayın (dekabri) 11-dä Gagauziyanın Çadır kasabasında bulunan “Dionis TANASOGLU” gagauz Milli teatrusu, kendisinin kuruluşunun 25-ci yuldönümü kutlamaları çerçevesindä, gösterdi Dionis TANASOGLUnun “Uzun Kervan” romanına görä hazırlanmış eni spektklinin “Uzieyälet / Son düüş” premyerasını.
“Uzieyälet / Son düüş” spektaklisi (dramaturg – Mihail REZUNEȚ, Rejisör – Anatoliy RADULOV) koyuldu gagauz Milli teatrusunun sțenasında 2022-ci yılında bakılan yazıcı Dionis TANASOGLUnun 100-cü yıldönümü hatırınnan.
Spektalidän sora da anılmış gagauz türküsüleri Andrey İVANOV hem İvan BABOV, teatru kollektivınnan barabar, siiredicilerä deyni çaldılar eni yazılan gagauz Milli teatrusunu gimnasınnan (laflar – Todur ZANET, Muzıka – İlya FİLEV). Nedän sora da, teatrunun 25-ci yuldönümünnän ilgili olarak, teatruyu kutladılar Gagauziya kultura Upravleniyanın başı Marina SEMENOVA, TÜRKSOYda Azerbaycan temsilcisi, sekretar Elçin GAFARLI hem taa çok insannar.
Kutluca olsun, gagauz Milli teatrusu!
