stoyanıglu_TV_1

12.12.2022, tarafından yazılı , CÜMNE, POLİTİKA BÖLÜMÜ, 186 KERÄ BAKILMIŞ

“Yustițiyanın uzurpațiyası”: Aleksandr STOYANOGLU Moldova yustițiya ministrusunun iştän alınmasını isteer

Moldova-Leaks saytı tarafından Telegram kanalında Moldova politikacıların yazışmasının ortalaa akıtmasından sora, bir zakonsuz işindän alınan Moldovanın gagauz olan Baş prokuroru Aleksandr STOYANOGLU, susmasını kesip, büük bir açıklama yaptı, neredä Moldova yustițiya ministrusununa Sergey LİTVİNENKOya karşı aar kabaatlar attı hem onun iştän alınmasını istedi.

Aleksandr STOYANOGLU urguladı, ani “bir şüpesi dä yok ondan, ani Moldova-Leaks saytında yayınnanan yustițiya ministrusununa Sergey LİTVİNENKOnun yazışması aslıdır, çünkü kimär erdä Sergey LİTVİNENKO yazêr, ani kapanda benim için kamera hazır da ona hemen o kameranın patredini yollêêrlar”.

Aleksandr STOYANOGLU deer: “kimisi hiç bilmeer dä nekadar “sonsuz kuvedä saabi” o ministr. O biler, nesoy notaları kayaceklar prokurorlar, ne türlü karar alaceklar daavacılar. Bundan sora var mı şüpä o üzerä, nicä Üüsek daavacılık Palatası hem prokurorlar benim işlerimä baskı yaptılar?”

Aleksandr STOYANOGLU sorêr: “Telegram kanalında yayınnan yazışmalarından sora, bän taa lääzım mı kimä sä annadıyma, ani bana karşı prestupleniye yapıldı? Hepsi prestupniklär daavacılık kuvedinin önderciliindä bulunêrlar. Şindi annaşıldı, neçin Maya SANDU imzalamêêr benim iştän alınmamı için emiri”.

Moldovanın gagauz olan Baş prokuroru Aleksandr STOYANOGLUnun açıklaması burada: https://www.youtube.com/watch?v=hbe3UDMjiaI&t=1s.

stoyanoglu_litvinenko_1

BİR CUVAP YAZIN