Türk İşbirlii hem Koordinaţiya Agenstvosunun (TİKA) Başkannıında Balkanlarda delgațiyayı kablederäk, TİKA Başkan Yardımcısı Dr. Mahmut ÇEVİK açıkladı, ani “Balkannarın sektor hem ekonomika tarafından dengeli kalması için TİKA Balkannarda 5 bindän zeedä proekt ömürä geçirdi”.
TİKA Başkan Yardımcısı Dr. Mahmut ÇEVİK bildirdi, ani bu proektların içindä gagauzlarlan da ilgili proektlar da var. Hepsi poektların önemni olduklarını urgulayarak, Canabisi açıkladı, ani bu 5 bin proekt verdi kolayını binärcä student en üüsek uurda üürenmäk kabletsinnär hem üürenmiş olsunnar. Saalık sektorunda poektlar da 1,5 milion insana saalık korumasının uurunda izmettä bulunêr.
Öbür taraftan Canabisi urguladı, ani Evropa Birlii (EB) bu bölgeyä karşı açık üzlän bakmêêr hem burasının tanıtmasını için kullandıı açıklamalarda Türkiyeyi için işindän dışarda tutacek terminologiyayı kullanêr.
6 genişlemä proțesını geçirän EB en büük genişlemeyi yaptıı 2004-cü yılda, 10 devleti birlää aldıında bilä Balkannardan aza devlet almadı.
Dr. Mahmut ÇEVİK dedi: “Brdo samirında Sloveniya hep o ritorikayı tekrarladı. EB “Batı Balkan memleketlerini EBdä görmäk isteeriz” deer. EB önceliklän “Batı Balkan” tanımına açıklık getirsin. Eer bölä bir bölgä varsa “Dou Balkan” neresidir?”
Kaynak: gazetebalkan
