Moldova üüredicilik ministerlii açıkladı, ani üüredicilik uurunda taa bir kapanış adımını yapêr: bu kerä sekiz zanaat uçilişçesini hem kolecını kapadêr.
Bu sekizin arasına düştü Valkaneş zanaat uçilişçesi da, angısını, maamilä surat iilik için, Çadır kasabasının zanaat uçilişçelesinnän birleştirerlär.
Şindi düşünün Valkaneş neredä, Çadır da neredä? Zanaat uçilişçelerindä kim üürener? Belliki fıkaaraların uşakları. Bu zor yaşamakta, o fıkaaralardan angı ana-boba uşaklarına Valkaneştän hem dolay küülerdän yol hem üürenmäk parası bulacek?
Gagauziya Başkankası açıkladı, ani “bu adımnar zararcılıktır. Bu üüredicilik sistemasına urêr, üüredicilerä hem üürencilerä urêr”.
