Eni Yıla karşı tipardan çıktı Viktor KOPUŞÇUnun 140 sayfalık «Протоиерей Димитрий Чакир: пастырь и просветитель» kiyadı.
Kiyat annadêr gagauzların anılmış ÇAKİRlär soyundan popazların birisi için – Dimitriy Georgieviç ÇAKİR için.
Nicä açıkladı kiyadın avtoru Viktor KOPUŞÇU, bu kiyatta açıklêêr ÇAKİR soyunun Bucak toprkalara erleşmesini, yaşamasını hem Protoierey Ay-Boba Dimitriy ÇAKİRin popazlıını hem cümne çalışmasını.
Viktor KOPUŞÇU sayêr, ani bu kiyat faydalı olacek istoriklerä, etnograflara, kulturologlara, üüredicilerä hem üürencilerä, studentlara.
Not. Protoierey Ay-Boba Dimitriy ÇAKİR duumuş 1839-cu yılda Kopkuy (şindi Beş Göz) küyündä bir dyakın aylesindä. Üürenmiş Çadır şkolasında. 1863-cü yılda Kişinevun duhovnıy seminarıyasını başarmış, da başlamış popaz işlemää Akkerman uezdın İvanovka küüyündä. 1870-1914 yıllarında Esirli (İsirliya) küüyün popazıymış. 1914-cü yıldan taa raametli olunca Diviziya küüyündä popazmış.
Ay-Boba Dimitriy ÇAKİR raametli olmuş 1916-cı yılda Akkerman uezdın Kebabça küüyündä.
