sukman

06.03.2015, tarafından yazılı , SPORT BÖLÜMÜ, 1112 KERÄ BAKILMIŞ

Dünnä rekordu Gagauziyadan sportsmenda

Küçük ayın 22-dä Kişinevun baş meydanında Gagauziyanın Başküüyü (Kirsovo) küüyündän sportsmen Rodion SUKMAN dünneyin eni rekordunu kurdu – biri-birinä baalı 10 maşinayı 4,5 metraya sürüdü (eski rekord – Litvadan sportsmenın –3 metraydı).

Rekordun gününü maasuz ayırdılar, ani o düşsün Büük orucun “Prost olma gününä”.

Bu gözäl sport olayını yapmaa deyni fikiri Moldovada Rusların cümnesi hem Moldova halkların Asambleyası ortaya koydu. Ona arka oldular Rusiyanın büükelçilii, Moldovada Rusiyanın bilim hem kultura merkezi, etnikaarası Büro, Moldovanın stuşentların hem gençlerin Birlii, Kişinev primariyası hem onun üürediciliktä Baş upravleniyası.

Rodion SUKMAN yakutların milli sportunda “mas-restling”ta (sopayı üstünä çekmää) dünnä koboonda gümüş prizöru, 3 kerä “Strong man” (kaavi adam) yarışlarında hem 5 kerä “pauêrlifting” (aarlık kaldırmak) yarışlarında Moldovanın çempionu oldu.

Not. Rodion SUKMAN duudu 1986-cı yılın Harman ayın (avgust) 17-dä Gagauziyanın Başküüyü (Kirsovo) küüyündä. Kendi kuvedi için hem kuvetli sportlarda çeşitli başarıları için “Moldovanın en kaavi insanı” sayılêr. 

BİR CUVAP YAZIN