Gagauziyada bulunan romın hem bulgar lițeylerindä büünkü günädän gagauz dili üürenilmeer. Taa da beter – bu lițelerin öndercileri onun üürenmesini da istämeerlär.
Geçennerdä GRTda (Gagauziya Radiosu hem Televideniyası) bu konuylan ilgili açıklamayı yaptı Gagauziya üüredicilik Upravleniyasının Başı yardımcısı Nadejda GAYDARCI, angısı urguladı, ani “bu üüredicilik kuruluşlarında gagauz dilindä üüretmäk ta lääzım olsun. Ama diil şindi, biraz zaman geçtiynän”.
Canabisi urguladı, ani “nicä da olsa, bu kuruluşlar bulunêrlar Gagauziya avtonomiyasının topraklarında. Da uşaklar lääzım makarki işitsinnär gagauz dilini”
Ölä, ama Gagauziyanın romın hem bulgar lițeyleri Gagauziya bücetından para kablederlär, ama Gagauz Dilini üüretmeerlär! Nicä ölä?! Orada Gagauz Dili üürenilsin lääzım! Üürenlsin, nicä üürenile rusça, angliyca, nemțeycä yada franțuzça!
