Harman ayın (avgust) 29-da, Gagauziyanın Aydar küüyündä 2025-ci yılda kulrulan eni bir “Aydar kilim festivali”nin ikincisi geçti.
Adetä görä, festivalä Gagauziyadan hem dolay erlerdän insannar, folklor ansamblilileri, el ustaları, türlü resimcilär hem Kişinevdan musaafirlär katıldılar.
Vardılar burada politikacılar hem politika partiyaların kişileri da, ani artık Kasımın 15-dä olacek Gagauziya Halk Topluşu seçimnerinä hem gelecektä yapılacek Gagauziya Başkanı seçimnerinä agitațiya yapmaa başladılar.
Bir da festivalin adını gagauzça dooru yazaydılar: “Aydar kIlIm festIvalI” erinä lääzımdı “Aydar kİlİm festİvalİ” yazalı olsun.
Not. 2013-cü yıldan beeri Aydar küüyündä geçärdilär “Gagauz kilimneri” festivalleri. Ama, Gagauz lafına karşı gidenneri hem Gagauz lafından azetmeynneri sesleyip hem onnarın aklına uyarak, bu festivalin yapılması kesildi dä 2025-ci yılda artık “Aydar kilim festivali”nä döndürüldü.
Patretlär: gaidar.md saytından
