Büük ayın (yanvar) ayın 15-dä saat 17:20-dä genä gördük, ani Moldovada zakon oyuncak gibi: isteerlär bakêrlar, isteerlär atêrlar.
Büük ayın (yanvar) ayın 14-dä saat 24:00-dä premyer-ministrulaa kandidat çıkarmak vakıdı bitti. Bizä deyärdilär, ani bu saattan sora çıkarılan kandidatlar zakon dışındadır. Ama sade diilmiş Moldovada.
Bakmadaan ona, ani ilersi günü Moldova Prezidentı Nikolae TİMOFTİ premyer-ministrulaa kandidat kendisinin baş sekretarini İon PÊDURARUyu çıkardı, ertesi günü kendi Emirini basıp, Büük ayın (yanvar) ayın 15-dä saat 17:20-dä ortalaa eni bir kandidat çıkardı – Pavel FİLİPı, Moldovanın habercilik tehnologiyalar hem baalantırlar ministerliin geçici ministrusunu.
Pavel FİLİP Moldova Demokratlar Partiyası kandidatı. Nikolae TİMOFTİ, maamilä surat açıkladı, ani eni Emiri verer o üzerä, ani bu kandidat için 55 deputat imza atmış.
Foto – ru.sputnik.md
