Çadır kasabasında, temeldän enilenmektän sora, açıldı V.POTAPOV adına №1 Uşaklarlan gençlär sport şkolası (UGSŞ), angısı için Gagauziya halkının devletä verilän vergilerindän 814 bin 456 ley para ayırıldı.
№1 UGSŞya bölä temel eniletmäk yapıldı:
– binanın kapu-pençerä diiştirilmesi;
– eni yısıtma sistemasının kurulması;
– elektrika sistemasının diiştitilmesi;
– binanın içerlerinin duvarlarının hem tavannarının enidän suvanması hem boyanması;
– boks ringının enilenmesi.
Eniletmäk işleri yapılırkana üzä çıktı, ani sport şkolanın ventiläțiya sistemasını da diiştirmää lääzım olacek. Maasuz bu iş için, genä Gagauziya halkının devletä verilän vergilerindän alıp, şkolaya taa 179 bin 465 ley para verildi.
Çadır kasabasının V.POTAPOV adına №1 Uşaklarlan gençlär sport şkolası (UGSŞ) temeldän enilenmektän sora açılışında pay aldılar Gagauziyanın Başkanı hem Çadır rayonun öndercileri, trenerlar hem, belliki, genç sportsmennar.
Not. Çadır kasabasınınV.POTAPOV adına №1 Uşaklarlan gençlär sport şkolasında (UGSŞ) birkaç sport sekțiyası var: boks, dzüdo, serbest güreş hem masa tenisı. Bu sekțiyalarda 321 kişi üürener.
Patretlär: gaguzinfo.md
