2024-cü yılın Kasım ayın 21-dä Gaguziya son yoluna uurladı anılmış gagauz kompozitorunu, “Gagauziyanın kıymetli kultura zaametçisi”ni, “İncäzanaatta Maestro”sunu, “Mihail Çakir” ordenın kavalerını, türlü halklarası hem respublika ödüllerin saabisini, Gagauziyanın ofițial olmayan “Yaşa, Halkım!” gimnasının, Gagauziyada Hederlez yortusunun ofițial gimnasının – “Gagauziyada Hederlez” türküsünün, Komrat Devlet Universitetın hem Komrat kasabasının gimnalarının avtorunu, pek käämil, kıvrak, kırnak, delikat hem gülär üzlü insanı – İlya İlyiç FİLEVı (19.08.1956 – 19.11.2024). İnsannar raametli kompozitorlan prost olsunnar hem son yoluna geçirsinnär deyni, Gagauziya kultura Upravleniyası üstünä aldı hepsi zaametleri hem çalışmaları, da yakınnarı İlya İlyiç
TAA DERINDÄN Büün, Kasım ayın 19-da, bir aar hastalıktan sora, raametli oldu anılmış gagauz kompozitoru, “Gagauziyanın kıymetli kultura zaametçisi”, “İncäzanaatta Maestro”, “Mihail Çakir” ordenın kavaleri, türlü halklarası hem respublika ödüllerin saabisi, Gagauziyanın ofițial olmayan “Yaşa, Halkım!” gimnasının, Gagauziyada Hederlez yortusunun ofițial gimnasının – “Gagauziyada Hederlez” türküsünün, Komrat Devlet Universitetın hem Komrat kasabasının gimnalarının avtoru, pek käämil hem gülär üzlü BİR insan – İlya İlyiç FİLEV (19.08.1956 – 19.11.2024). İlya İlyiç FİLEVın aylesinä hem yakınnarına, dostlarına hem yaratmak kafadarlarına, bütün gagauz halkına Canabisinin sonsuzlaa vakıtsız varması sebepinnän kendi can sancımı hem acızgannıımı bildirerim! Topracıın
TAA DERINDÄN Moldova Respublikasının Etnika arası ilişkileri Agenstvosunun “Etnika arası ilişkilerini kaavileştirmäk (CRİn) programası çerçevesindä Romın dilin etnika bölümnerin arasında ilerletmäk için sıraya” görä Kasım ayın 18-dä Komrat kasabasının 4 üüredicilik kuruluşunda Moldova yazıcıları Yulian FİLİPlan hem Todur ZANETlän buluşmaklar geçtilär. Buluşmaklar başladı Komrat kasabasının Stepan TOPAL adını taşıyan “Masalcık” uşak başçasından, neredä, bu başçanın başının Anna Vasilyevna KROİTORun önderciliindä, pek gözäl bir kultura programası hazırlanmıştı. Buluşmaya gelän yazıcıları Yulian FİLİPı hem Todur ZANETi, hem dä Etnika arası ilişkileri Agenstvosunun başını Veçeslav REABÇİNSKİYi burada tuz-ekmeklän karşladılar. Sora, uşak başçasının kıvrak donaklı büük
TAA DERINDÄN Kasım ayın 9-da Komratta oldu Gagauziya öndercileri tarfından kurulan “Gagauz şarap yortusu”, ani erleşti hem geçti Komrat kasabasının baş meydanında. “Gagauz şarap yortusu – 2024” günü razgeldi bir suuk, çii hem çiskin havaya, ama, buna bakmadaan, meydanda şennik sıraları hem şarap datmaları sürdü. Komrat kasabanın baş meydanında bir fleşmob için bütün Gagauziyadan getirilän hem milli portulara giimni uşak ansamblileri taa erkendän meydanda diziliydilär. Havanın beterinä uşaklar üşüyärdilär. Onnarın çoyu kurtkalara hem çemberlerä sarılıydılar. Kimdä bunnar yoktu, yısınmak için biri-birinä sarmaşardılar ya da erindä oynamaa savaşardılar. Hepsi “saadıçları” hem “saadıç koltıklarını”
TAA DERINDÄN Büün, Kasım ayın 9-da, Gagauziya öndercileri tarfından kurulan “Gagauz şarap yortusu”ba sıra geldi da onu Komrat kasabasının baş meydeanında geçireceklär. “Gagauz şarap yortusu – 2024” sırasında, Gagauziya öndercileri kaymacıı aldıktan sora, insannara da teklif edilecek meydanda kurulan şarap fabrikaların mallarınnan hem küü aullarınnan tanışmaa, şarap hem gagauz milli imeklerindän datmaa. Bundan kaarä el ustaların sergileri kurulacek hem muzıka şennii olacek. Şarap yortusu saat 10:00-da başlayacek, ama onu ofițial açılışı saat 11:00-dä olacek. Buyurun!
TAA DERINDÄN Kasım ayın 7-dä gagauzlar bakêrlar en büük yortularından birisi – Kasım yortusu, KASIM günü (kışın çeketmesi), “Canavar yortuları”nan hem “Hederlez” yortusunnan (yazın çeketmesi) bilä, sayılêr gagauzların 3 en büük milli hem maanalı yortularından birisi. Kasım yortusu bakılêr Kasım ayın (noyabri) 7-dä, çünkü “Hederlez” yortusu (yazın çeketmesi) Hederlez ayın (noyabri) 6-da bakılêr, kış ta – yarım yıldan sora, ama diil yarım yıl + 1 gündän sora çeketsin. Kasım yotrusunun haliz maanasını unutturmaa hem gagauzları Gagauzluktan koparmaa deyni, Gagauziyada kuvettä bulunannar hem onnara izmet edän beldän aşaa bilimci olannar Kasım yortusunu Kasım
TAA DERINDÄN Canavar ayın 6-da gagauzça hem 13-dä rusça “Dionis TANASOGLU” Gagauz-Rus Milli teatrusun gösterdi anılmış rus dranaturgun Anton ÇEHOV pysanın “Kirez başçası”/«Вишнёвый сад» pyesasının premyeralarını. Pyesanın rejisöru Kişinev “A. P. ÇEHOV” adına devlet rus drama teatrusunun rejisöru, Moldova Respublikanını kıymeti artistı Dimitriy KOEV olduu için, belli ki, bu pyesa ruz dilindä sțenayı koyuldu. Sora da artistlär, kendi laflarını gagauzça üürenip, onu gagauzça oynadılar. Pyesayı gagauz dilinä, Gagauziyanın “Gagauz dilinin kullanmak sferasının genişledilmesi için” Zakonun ömürä geçirilmesi çerçevesindä, çevirdi yazıcı İliya HACI. Peysada oynêêrlar: Lübov Andreevna Ranevskaya – Elena DANACI / Lidiya
TAA DERINDÄN Canavar ayın 8-dä Moldova Respublikasının Milli Bibliotekası Biblioteca Naţională a Republicii Moldova / National Library of Moldova hem USM “Bogdan Petriceicu-Hasdeu ” romun filologiyası İnstitutun tarafından koordinațiya yapılan “Arhiva de voci” Milli Proektı „#ArhivadeVoci” çerçevesindä, yapıldı romun dilindä bir intervyu gagauz yazıcısınnan hem Akademiklän, jurnalistlän, dramaturglan hem folklorislän, gagauz lteraturasının hem teatrusunun en büüklerdän birisi olannan, gagauz dilini geliştirän “Ana Sözü” gazetasının baş-redaktorunnan, Gagauz Milli Gimnasının avtorunnan Todur ZANETlän. Bu buluşmanın moderatru oldu büük kultura insanı hem yazıcı İulian FİLİP. Vidioyu hem fotolorı yaptı Dr. Mariana Cocieru. Secția Audiovideoteca a
TAA DERINDÄN Canavar ayın 8-dä Gagauziyanın Regional resim Galereyasında oldu prezentațiya Galina KRİSTİOGLO-SİRKELİnin “Kısmet şafkı” kiyadına, neredä pay aldılar Canabisinin dostları, Gagauziya kultura Upravleniyanın zaametçileri, bibliotekacılar, üüredicilär, kultura insannarı hem jurnalistlär. Galina KRİSTİOGLO-SİRKELİnin “Kısmet şafkı” kiyadına erleştirili avtorun peet hem proza yaratmaları. Prezentațiyayı açtı Gagauziya kultura Upravleniyası başı Marina SEMENOVA. Sora da söz verildi kiyadın avtoruna Galina KRİSTİOGLO-SİRKELİyä Nedän sora, biri-biri ardı mikrofona çıkıp, kiyadın avtorunu kutladılar içerdä bulunan dostları hem kolegaları. Sürpriz oldu, açan türkücülär Anna BÜÜK hem Andrey STOYANOGLO çaldılar birkaç türkü Canabisinin peetlerinä. Prezentațiyada pay alannara baaşlandı eni çıkan
TAA DERINDÄN Beşalma küüyün Dimitri KARAÇOBAN istoriya hem etnografiya muzeyindän durmamayca yalannar ortaya çıkarılêr. Onnarı doorutmaa bıktık artık. Te geçennerdä bu muzeyin kurulmasınnan ilgili taa bir yalan tekrar ortaya çıkarıldı. Ceviz ayın (sentäbri) 18-dä Beşalma küüyün Dimitri KARAÇOBAN istoriya hem etnografiya muzeyin Facebook sayfasında (rus dilindä!) bölä bir yazı çıktı «16 сентября 1966 г. в с. Бешалма разрезали ленточку, открыли двери первого гагаузского музея, основанного Дмитрием Кара Чобаном. 17 сентября 2024 года музей им. Д. Кара Чобана отметил своё 58-летие». Yazdı bu yazıyı Lüdmila KARAÇOBAN. Saytta Canabisi kendisini “Administrator” olarak gösterer. Demeli
TAA DERINDÄN