Moldova zakonnarına hem Moldova Merkez Seçim Komisiyasının (MSK) kararına görä 2023-cü yılın 5 Kasım günü memlekettä erindeki kuvetlerin seçimneri oldu. Geçti onnar Gagauziyanın zakonnarına görä Gagauziyada da.
Kasımın 5-dä, avşamneyin saat 21-00-dä, erindeki kuvetlerin seçimneri için açılan secim bölümneri kapandı. Moldova Merkez Seçim Komisiyasının ön açıklamasına görä seçimä 41,4 % seçimci çıktı (1 147 606 kişi). Gagauziyada bu țifra – 41,0 % (53 269 insan).
Gagauziyanın 14 erindä primarlar 1-ci turdan ayırıldılar: Avdarma, Aydar, Baurçu Beşalma, Bucak, Caltay, Dizgincä, Karbalı, Kazayak, Kiriyet, Kongaz, Kongazçık, Tomay küüleri hem Çadır kasabası.
Kalan erlerdä 2-ci tur olacek: Çok Maydan, Çeşmä küüyü, Beşgöz, Ferapontyevka, Kıpçak, Svetlıy, Ütülü küüyü hem Valkaneşlän Komrat kasabaları.
