Çiçek ayın (aprel) 22-dä Gagauziyanın saalıı koruma Upravleniyasının başı Svetlana DULEVA açıkladı, ani Gagauziyada koronavirusa ulaşan 28 kişi var hem taa bir da ölän var.
Büünkü uşaşannarın arasında 12 kişi – Valkaneş rayonundan, 9 kişi – Çadır rayonundan, 7 kişi da – Komrattan. Onnarın 3-çü evä kolverildi, 2-si da raametli oldu.
Valkaneş rayonunda 12 kişinin arasından 8 kişi – Ütülü küüyün şarap fabrikasından.
Svetlana DULEVA söledi, ani ulaşannarın sayısı var nicä zeedelensin, çünkü Ütülü küüyün şarap fabrikasından hastaların birisi yapmış duuma gününü, nereyi çok musaafir gelmiş. Musaafirlerin birisi da COVID-19-lan bolnițaya alınmış.
Anaktar sözlär : Çadır, COVID-19, Gagauziya, komrat, koronavirus, Valkaneş
