Türk İşbirlii hem Koordinațiya Agenstvosu Başkannıı (TİKA) tamamnadı Kişinevdakı Ana hem Uşak Saalıını aaraştırma İnstitutunda bir modernizațiya proektı, angısına görä ana hem uşak saalıını korumasını kaavileştirer.
TİKA tarafından başa çıkarılan bu modernizațiya proektı yapıldı Moldovanın ana hem uşak saalıını koruyan en önemni kuruluşun Kişinevdakı Ana hem Uşak Saalıını aaraştırma İnstitutun №1 akuşerlık hem ginekologiya bölümündä, angısına TİKA tarafından verilän yardıma görä komplekslı modernizațiya hem modern donatım yapıldı.
Proekta görä, Moldova saalık ministerlii tarafından bütün remontu yapılan bölümünün hepsi oborudovaniyaları hem tertipleri TİKA tarafından enilendi. Doktorların hem medsestralar odalarına, kufneyä hem soyunma odaları gibi erlerä, palatalara hem pereväzka odalarına yapılan son modern donatımı verdi kolayını burada izmet verilecek insan sayısını zeedeletmä. Ne verecek kolayın yaklaşık 1000 karını taa güçlü, güvenni hem günün standartlarına uygun olarak bir saalık ortamında duuma izmeti kabletmää.
Taa ileri bu kuruluşa TİKA başka yardımnarda da bulundu. Onnarın arasında 2025-ci yılın Hederlez ayın (may) 5-9 günnerindä Türkiye Respublikasından Moldovaya gelän ekspertların hem doktorların yardımınnan yapılan “Eni duan uşaklarda üstolan durumnarı elä almak – en küçük pațientların güvenniklerinin önemni alanı” teoriya hem praktika üüredicilik programası, angısında 20 kişilik doktorlar, akuşerlar hem medsestralar pay aldılar.
Bunun ikinci etapını – “üüredicileri iirenmesi” programasını, Türkiye Recep Tayyip Erdoğan Universitetınnan işbirliindä, TİKA yaptı 2025-ci yılın Kirez ayın (iyün) 30-zu – Kirez ayın (iyün) 2-si günnerindä Türkiyenin Rize kasabasında. Burada da Moldovadan 10 akuşer eni duannarı cannandırmak uurunda bilgilerini zenginnettilär.
