Moldovanın Üstolan durumnarın Komisiyası (UDK) aldı karar, başlayıp Çiçek ayın (aprel) 25-dän sabah saat 08:00 beeri, koronavirusa karşı koymak sebepinnän, Gagauziyanın Valkaneş rayonunun Ütülü küüyündä hem Çeşmä küüyündä karantin rejimı kurmaa.
Bölä bir tekliflän Moldovanın UDKsına dün danıştı Gagauziyanın Üstolan durumnarın Komisiyası, o üzerä, ani Ütülü küüyün şarap fabrikasının işçileri arasında COVID-19 patlaması oldu da bir-iki gündä orada 66 insan koranovirusa ulaştı (37 – çeşmäküülü, 26 – ütülüküülü, 3 – yabancı).
Karantin rejimında:
Küülär Moldovanın İçişleri hem Korunmak ministerliklerin askerlerinnän patrulä alınêr;
Küülerä olmaz girip-çıkmaa, iyecek getiränhem maasuz transportlardan kaarä;
Küülär içindä olmaz transportta ya da, lääzımnı arayı tutmadaan, yayan gezmää.
Patretlär: Todur Zanet hem Inspectoratul General pentru Situații de Urgență al MAI
Anaktar sözlär : COVID-19, Gagauziya, koronavirus, Moldova, Valkaneş
