Hederlez ayın (may) 5-9 günnerindä, TİKA tarafından hazırlanan hem Kişinevdakı Ana hem Uşak Saalıını aarştırma İnstitutunnan ortaklıkta yapılan, bir “Moldovada Ana hem Uşak Saalıına yardım etmäk üüredicilik Programa”sı geçti.
Bu Programanın baş teması oldu “Eni duan uşaklarda üstolan durumnarı elä almak – en küçük pațientların güvenniklerinin önemni alanı”.
Bu üüredicilik programasının teoriya hem praktika urokları geçtilär Türkiye Respublikasından Moldovaya gelän ekspertların hem doktorların yardımınnan.
Hederlez ayın (may) 7-dä “Moldovada Ana hem Uşak Saalıına yardım etmäk üüredicilik Programa”sına katılan doktorlara bu uurda diplomalar verildi. Diplomaların verilmä sırasında pay aldılar: Kişinevdakı Ana hem Uşak Saalıını aarştırma İnstitutun baş direktoru Sergiu GLADUN, Moldova Respublikasının saalık ministerliin Ana hem Uşak Saalıı serviçin başı Dorina SAVOSCHİN, Türkiye Kişinev Büükelçisi Uygar Mustafa SERTEL, TİKA Kişinev ofisin koordinatoru Tarık METE hem TİKAda Moldova masasına bakan Fatih ÇELİK.
Kişinevdakı Ana hem Uşak Saalıını aarştırma İnstitutu şükür etti hepsinä, kim omuz koydu bu üüredicilik programası olsun deyni, çünkü bu iş yardımcı oldu Moldovada herbir ananın hem uşaan saalıını korumak sistemasını taa da kaavileştirmää.
